Molt bones previsions de cara ad aguestes hèstes de Nadau ena Val d’Aran en çò que tanh ara ocupacion mieja en territòri.

Era arribada des nheuades es darrères ores, an hèt a acabar de disparar es darrères resèrves e lòcs que i auie enes diuèrsi establiments hotelèrs o d’ospedatge ena zòna, en tot arribar a un 90% de mieja pendent toti aguesti dies e, en fòrça escadences, en diuèrsi emplaçaments de Vielha e Mijaran e sustot Naut Aran, s’a penjat eth pannèu de tot complèt.

Es optimes condicions que se pòden trobar ena estacion d’esquí de Baqueira Beret aué dia, damb celhs de nhèu que van des 50 enquias 80 centimètres, 103 quilomètres de pistes esquiables, 34 remontadèrs dubèrti e ua qualitat de nhèu povàs, son part des alicients que hèn a apropar-se as visitaires.

Ath delà der esquí, tanben aurà Aran d’auti atractius coma, per exemple, culturaus, damb diuèrsi concèrts o d’autes accions entà tota era familha tà poder gaudir deth barrament der an.