Es prumères dades facilitades per Torisme Val d'Aran confirmen ua evolucion fòrça nauta dera activitat toristica. 

Era prumèra quinzena de junhsèga de 2026 s'a barrat damb ua aucupacion mejana deth 71,43 %, çò que represente un increment de 8,12 punts percentuaus respècte deth madeish periòde de 2025, quan era aucupacion siguec deth 63,31 %.

Es previsions entara rèsta dera sason tanben son fòrça encoratjadores. Es chifres se mantien fòrça apròp des registrades en 2025 e confirmen ua tendéncia positiva entà un ostiu que se prevé fòrça actiu.


Eth increment d’aguestes chifres ei conseqüéncia, en bona part, deth gran nombre de competicions esportives, nacionaus e internacionaus, que se hèn era Val d’Aran en mes de junhsèga e que compden damb eth supòrt deth govèrn aranés.

 Era Val d'Aran se consolide com ua destinacion de referéncia gràcies ara sua aufèrta de natura, cultura, gastronomia e activitats entà toti es publics. 

HÒNT: CONSELH GENERAU D'ARAN