Era brigada de servicis deth Conselh Generau d'Aran trabalhe, aguesti dies, en diuèrsi endrets dera Val d'Aran entà melhorar era seguretat, era accessibilitat e era conservacion des espacis publics.

Entre es intervencions mès recentes, s'an apariat es horats enes pistes de Ròca de Serra, Artiga de Lin-Es Bòrdes, Bossòst e Arres, entà garantir eth bon estat des vies.

Tanben s'a desbrossat er entorn deth Refugi deth Saut deth Pish e eth camin dera Ansa dera Caudèra, mentre que se manten eth trabalh de revision e desbrossatge deth hilat de camins entà facilitar-ne eth pas e preservar-les en bones condicions.

En Vilac, s'a hèt era neteja deth campanau dera glèisa, fòrça afectat pera acumulacion de colomina pera preséncia de palomes.

 Tanben s'a fabricat e installat ua naua palanca en camin de Saboredo, ua melhora que permet ua circulacion mès segura entàs persones que recorren aguest itinerari.

 Parallèlament, aguesta setmana es trabalhs se centren ena neteja e adequacion des pistes qu’acuelhen dues pròves esportives fòrça importantes: era Vielha Cycling, de ager dissabte, 18 de junhsèga, e era corsa Aran per sa Lengua, prevista entath 26 de junhsèga.


HÒNT: CONSELH GENERAU D'ARAN