Eth Conselh Generau d'Aran informe que, a partir d’aguest mes de seteme de 2026, an entrat en vigor es naui oraris dera correspondéncia entre eth servici d'ALSA e era linha francesa LIO, que permet era connexion damb Sant Gaudenç e, dempús, damb eth servici ferroviari enquia Tolosa.

Eth Govèrn d’Aran trabalhe entà milhorar era connectivitat en transpòrt public dera Val d'Aran damb era ciutat de Tolosa de Lenguadòc e eth sòn aeropòrt, ua infraestructura estrategica entàs desplaçaments internacionaus des usatgèrs.

Actuaument, era connexion damb eth caplòc d'Occitània includís tres gessudes per sens es dies obrèrs, combinant eth servici intèrn d'autobús dera Val d'Aran, eth servici per carretèra deth hilat francés LIO entre Les e Sant Gaudenç e, en tren, enquiara estacion principau de Tolosa, que permet continuar eth trajècte enquiar aeropòrt. Eth temps deth viatge des de Vielha ei d’ues tres ores e mieja.


HÒNT: CONSELH GENERAU D'ARAN