“Mar e Montanha” connècte a 6 codinèrs aranesi damb 6 codinèrs cambrilencs entà aufrir eth sòn producte en dus periòdes: eth prumèr,deth 15 ath 30 d’octobre en Cambrils (Tarragona) e eth dusau, der 1 ath 15 de deseme, s’a estreat aguesta setmana ena Val d’Aran.


Aguesta hèsta, que celèbre era connexion e era tradicion, ei pensada entà que gaudisque eth comensau. Es restaurants aranesi participaires an en carta, dehòra de carta o en menú degustacion eth plat estela deth sòn restaurant omonim cambrilenc, e tanben un plat creat amassa que mòstre era esséncia dera mar e dera montanha, en tot connectar en un plat es productes de totes dues tèrres.

Era prumèra edicion de “Mar i Muntanya” a estat organizada peth Conselh Generau d’Aran a trauès de Torisme Val d’Aran e eth Airau de Torisme der Ajuntament de Cambrils (Tarragona).


Mès Informacion: festivalmarimuntanya.cat


HÒNT: TORISME VAL D'ARAN