Entà possar era participacion joena, eth Conselh Generau d'Aran a organizat eth 1èr Fòrum Joenessa damb un acte celebrat en Centre de Joenessa “Antara” de Vielha.

Se celebrèc dissabte passat aguest eveniment que vò èster un espaci estable de participacion juvenila ena Val d'Aran e que nèish des talhèrs de participacion que s’an hèt en Institut d'Aran pendent es darrères setmanes, e tanben der amàs de dades des enquèstes adreçades as joeni e joenes deth nòste territòri que s’an hèt pendent es darrères setmanes, entà completar aguesta prumèra fasa de participacion ciutadana ath torn dera joenessa.

Eth Fòrum a coma objectiu èster un espaci estructurat de recuelhuda dera votz des joeni a on poguen exprimir es besonhs, inquietuds e prepauses, damb era volontat qu'evolucione de cap a un modèl liderat per eri e eres madeishi.

Mès Informacion: https://shorturl.at/0JKGE


HONT: CONSELH GENERAU D'ARAN