Ua ueitantea d’estudiants de 2au d’ESO der Institut Domènec Perramon d’Arenys de Munt, qu’an vengut tara Val d’Aran de viatge de fin de cors, an visitat eth Conselh Generau d’Aran entà conéisher era realitat lingüistica d’Aran.

Com que ja auien trabalhat era diuersitat lingüistica ath long deth cors, ena sua visita en Aran an volut conéisher mès ath detalh era nòsta lengua e per aquerò eth personau der Airau de Lengua deth Conselh les a proposat ua charrada sus era realitat lingüistica d’Aran qu’includís es particularitats der aranés, era sua proteccion legau, era sua preséncia en ensenhament, enes carrèrs, en comèrç e enes mejans de comunicacion, e era politica lingüistica que desvolòpe eth Conselh Generau d’Aran.


Entà acabar era visita, es estudiants an aufrit coma present un quadre damb era version aranesa dera cançon sus es vivéncies d’aguesti dies de colònies en Aran, qu’an cantat amassa ena Plaça d’Aran.


HÒNT: CONSELH GENERAU D'ARAN