Un dia entara istòria de Bossòst.

Ager viuérem un moment que demorarà entà tostemp ena memòria deth nòste pòble: era consagracion deth nau autar dera Capèla dera Pietat, presidida peth nòste Bisbe Monsenhor Josep-Lluis.


Aguest autar non ei sonque ua òbra de grana berèsa. Ei eth frut deth talent, der esfòrç e dera generositat de persones qu'an volut deishar un legat entà toti.


Eth nòste arregraïment a Antonio Barbosa, autor d'aguesta magnifica òbra, e a Abraham Carpintero, Adri Gómez, Carlos Gómez, Joaquín Vivancos, Andrés Ortiz, Guille Hernández e Jordi Costa, era collaboracion des quaus a hèt possible qu'aguest projècte s'age podut hèr realitat.


Volem arreconéisher tanben a totes es persones que, damb dedicacion e de forma fòrça còps silenciosa, suenhen cada dia dera Capèla dera Pietat, en tot conservar aguest espaci damb era estima e eth respècte que merite. E, per supausat, gràcies a toti es vesins e vesies que mos acompanhèretz en ua celebracion tan significativa.


I a quauquarren especiuaments emocionant en aguest autar: neishec d'ua pèira extrèta des nòstes montanhes e, gràcies ath trabalh de mans d'aciu, demorarà entà tostemp en còr d'aguesta capèla. Un simbèu des nòstes arraïtzes, dera nòsta identitat e deth prigond ligam que mos junh en aguesta tèrra.


Pr'amor qu'es grani projèctes non les hè ua soleta persona; nèishen deth talent, era generositat e eth compromís de tot un pòble. E aguest autar serà, des d'aué, testimòni d'açò entàs generacions presentes e futures.

Gràcies a toti es quaus auetz hèt possible qu'aguest dia forme ja part dera istòria de Bossòst.