Pògapòc, eth còr istoric de Vilamòs recupère tot eth sòn encant.


Un projècte pensat entà melhorar era imatge deth municipi, facilitar eth transit de vesins e visitants e acabar damb es desperfèctes e horats existents.


Maugrat qu’es òbres encara non son finalizades, ja se pòt apreciar eth cambi.


E encara demore un des detalhs mès especiaus: eth pas d’ua maquina pionèra que harà un acabat damb dessenh simulant era tipica cauçada.


Aguest sistèma innovador permetarà arténher un resultat fòrça mès polit e elegant, en tot mantier ua superfícia mès comòda e segura entath transit diari.


Vilamòs contunhe trabalhant entà cuedar e embelhir eth sòn centre istoric, respectant era sua esséncia e guardant de cap ath futur.


HÒNT: AJUNTAMENT DE VILAMÒS