Damb aguesta airina se preten arremassar era experiéncia e era opinion des usatgèrs qu’empleguen es servicis d’Aran Salut, damb er objectiu de conéisher de prumèra man es sòns besonhs e es expectatives tà seguir en tot milhorar era qualitat dera atencion.

Era enquèsta ei disponibla enes tres idiòmes oficiaus (aranés, castelhan e catalan) e s’a actualizat eth telefon de contacte, qu’ara ei eth 973643145.

Auantatges clau dera avaloracion per WhatsApp en sector salut:

- Taxes de dubertura superiora ath 98%: Ar èster un estrument d’emplec quotidian, es messatges se liegen de forma lèu immediata dempús dera nauta medicau o era consulta.

- Gestion de crisi en temps reau: S’un pacient repòrte ua experiéncia dolenta, eth sistèma emet ua alèrta automatica ara equipa de qualitat entà resòlver era incidéncia immediataments.

- Optimización deth temps deth personau: Era automatizacion des enviaments libère ath personau administratiu de realizar trucades repetitives de seguiment.

- Melhora continua basada en donades: Es centres medicaus obtien estadistiques immediates sus eth tracte deth personau, tempsi de demora e neteja.

“Eth suenh deth pacient ja non acabe quan aguest ges pera pòrta der espitau”, soslinhe era directora deth Servici Aranés de Benèster e Salut (SABS), Maria Àngels Borràs. E ahig que “WhatsApp mos permet daurir un canau dirècte, uman e bric invasiu. En recéber era enquèsta enes sòns telefonets, es pacients responen damb totau aunestetat e en mens d’ua menuta, çò que mos da ua radiografia exacta deth nòstre trabalh jornalièr”.


HÒNT: ARAN SALUT