Aguest maitin s’a celebrat era 12au edicion dera Corsa dera Hemna, laguens des actes programadi entà commemorar eth Dia Internacionau dera Hemna, en motiu deth 8-M.

Aguest eveniment tà córrer o caminar amassa pera igualtat, organizat peth Conselh Generau d’Aran, a compdat enguan damb lèu 200 persones inscrites entà hèr eth recorrut de 5 km ath torn de Vielha.

Era corsa dera Hemna ei quauquarren mès qu’ua activitat esportiva, ei tanben ua reivindicacion tara igualtat entre hemnes e òmes.

Fòrça felicitats as guanhadores e guanhadors d’aguesta corsa enes diferentes categories

Pòden consultar es resultats en ligam:
https://sportmaniacs.com/es/races/12au-corsa-dera-henna

Fòrça gràcies ara equipa des Volontaris d’Aran que, coma tostemp, hèn possibla aguesta e d’autes corses en nòste territòri!

Fotos: @anuk_lab


HÒNT: CONSELH GENERAU D'ARAN