Eth Plen d’aué mos permet seguir en tot auançar en accions que melhoraràn era vida vidanta des nòsti vesins e vesies, e seguir en tot planificar eth futur deth municipi.

Seguim milhorant es nòsti pòbles: Seguim collaborant damb es Entitats Municipaus Descentralizades entà impulsar naues accions en Vilac e Gausac e melhoraram era seguretat e era accessibilitat en entorn dera Escòla Garona e er Institut d’Aran.

Seguim garantint uns servicis publics de qualitat: Auem adoptat es mesures de besonh entà seguir en tot invertir en municipi, mantier uns servicis publics de qualitat e arrespóner as besonhs des nòsti vesins e vesies.

Seguim auançant tà respóner ath rèpte der abitatge: Auem iniciat era consulta publica prealabla sus eth PP1 de Betren entà estudiar ua prepausa qu’adapte aguest contorn as besonhs actuaus deth municipi, facilite er accès ar abitatge e presèrve era identitat e er equilibri de Vielha e Mijaran.

Damb aguesti acòrds seguim impulsant accions concrètes que milhoren es nòsti pòbles, responden as besonhs deth present e preparen eth futur de Vielha e Mijaran.


HÒNT: AJUNTAMENT DE VIELHA E MIJARAN