Eth plen der Ajuntament de Vielha e Mijaran, en session ordinària, ven d’aprovar eth Convèni entre er Ajuntament de Vielha e Mijaran e era Agéncia der Abitatge de Catalonha entara promocion d’abitatges damb proteccion oficiau ena finca municipau “Tuca Tressents” de Betren.


D’aute biais, s’a aprovat era 2au modificacion de credit per valor de 2.581.388,02€ (finançada ena sua totalitat damb romanent de tresaureria), a on destaque 1,5 milions d’èuros entà inversions ena via publica:
- Urbanizacion dera Plaça dera Glèisa e dera Plaça Espanha
- Aqueriment d’ua cargadora de entara brigada municipau
- Repréner eth projècte “Carrèr a Carrèr”.


Tanben cau remercar es 80.000€ de suplement tàs EMD, entà neteja de viaus e ahèrs deth dia a dia.


Tanben s’a aprovat era Prepausa d’acòrd entà lheuar parciauments era suspension potestativa de tramitacions e licéncies adoptades per acòrd plenari de 28 de mai de 2025.


Tanben s’an aprovat diuèrses comissions e mocions:
- Comission d’Estudi entara redaccion deth Reglament d’ús d’equipaments esportius der Ajuntament de Vielha e Mijaran.
- Comission d’Estudi en relacion ara aprobacion dera Ordenança reguladora de proteccion, benèster e tinença responsabla des animaus de companhia en municipi de Vielha e Mijaran.
- Comission d’Estudi relatiu ath Plan Locau de seguretat viària 2025-2028 der Ajuntament de Vielha e Mijaran.
- Comission d’estudi entara redaccion der auantprojècte d’ Ordenança reguladora de Proteccion contra era contaminacion acostica en municipi de Vielha e Mijaran.
- Mocion presentada peth Grop Municipau Aran Amassa entara defensa dera dignitat deth personau d’ensenhament e eth compliment deth finançament educatiu.
- Mocion deth Grop Municipau Unitat entara recuperacion e er impuls dera Setmana Blanca coma airina educativa, sociau e de desvolopament territoriau.


Tanben s’a aprovat era renóncia anticipada ath cargue de Còsso der Ajuntament de Vielha e Mijaran, deth Sr. Julián Fernández Alonso.


HÒNT: AJUNTAMENT DE VIELHA E MIJARAN