Er Ajuntament de Vielha e Mijaran a iniciat eth projècte Carrèr a Carrèr, que consistís en amiar endauant trabalhs de fresament, gondronatge e pentura de diuèrsi carrèrs de Vielha.

En aguest sens, ei contemplat ath delà deth cambi de paviment, ua milhora en toti es trepadèrs que se veiguen contempladi ena accion e qu’an de besonh ua reforma urgenta.

Per çò que hè as actuacions, des deth consistòri s’a anonciat que i aurà cèrtes restriccions ath transit, e se balharà pas as parcatges privadi.

Dejà an arrincat es accions en parçans coma er airau deth Còto Março, Comets, Pas d’Arrò e Anglada e se vò incidir enes pròplèui dies en d’autes vies coma Montanero, o carretèra de Gausac.

Aguest projècte “Carrèr a Carrèr” supause ua fòrta inversion per part der Ajuntament de Vielha e Mijaran, de mès de 2 milions d’èuros, e que comènce ara e seguirà e acabarà en 2026.

Cau rebrembar que, des der ajuntament de Vielha e Mijaran se demore amiar a tèrme eth maximom de carrèrs possibles abans dera arribada des nheuades o de granes inestabilitats, tipiques dera tardor e er iuèrn.