Era conselhèra de territòri a presentat aguest maitin ena Val d’Aran er auantprojècte dera Lei de montanha, ua normativa que non s’actualizaue des der an 1983.

Aurà coma gran objectiu aufrir ua responsa as cambis sociaus, ambientaus, economics o institucionaus qu’an pogut succedir enes darrèrs ans. Concretament, un des grani ahèrs que tanben se’n destaque d’aguest auantprojècte de Lei ei tot çò qu’a a veir damb eth cambi climatic. Situacions geologiques como lauègi, botassades o despreniments de ròques son contempladi laguens d’aguesta prevision.

Eth plan compdarà ara sonque damb 9 comarques, es que formen eth Pirenèu e Prepirenèu, e enes quaus sonque ei representat eth 2% dera poblacion, quauquarren que vò generar ua major confidança en aguesti territòris. Era gestion forestau sostenible serà un aute des grani rèptes de futur que vò afrontar aguesta normativa.

A compdar d’aguest 15 de gèr de 2026, er auantprojècte de lei se somet a audiéncia e informacion publica entà que toti es vesins e associacions la poguen veir.