Damb aguest plan estrategic se fomente era participacion dera societat civiu en desparièrs airaus, de manèra que s’apuaràn projèctes e accions d’interés generaus desvolopats peth teishut associatiu o particulars com a element dinamizador deth municipi.


Aportacion per airau:


- Ensenhament: 38.775€ entà adquisicion de materiau, activitats culturaus, Associacion Esportiua escolara Escòla Garona, AFA Escòla Garona, Associacion Esportiua INS d’Aran, FP Dual-INS d’Aran)

- Cultura: 8.300€ entara promocion culturau e activitats entara mainadèra

- Joenessa: 5.000€ entà fomentar activitats en Plan Locau de joenessa/tecnica dinamizadora

- Gent grana: 24.800€ entà fomentar e mantier espacis deth Casau deth Jubilat “Sant Miquèu” de Vielha.

- Espòrts: 29.000€ entara promocion e foment der espòrt.

Segontes eth baile de Vielha e Mijaran, Juan Antonio Serrano, “aguest Plan Estrategic de Subvencions permet dinamizar ath municipi, en tot potenciar era participacion deth teishut associatiu pendent es exercicis 2026 e 2027”. E ahig que “Vielha e Mijaran destaque per auer fòrça entitats e gent que pren part des activitats en desparièrs airaus dera vida vidanta, e des der Ajuntament volem qu’atau seguisque e que poguen acréisher e assolidar-les”.


Mès info: http://www.vielha-mijaran.org/ar/noticias/1144/

Vidèo acta: https://actes-vielha.ecityclic.com/ava/sesion/2c94a4c49bfd727f019c0e6f63880001


HÒNT: AJUNTAMENT DE VIELHA E MIJARAN