S'a celebrat eth darrèr plen ordinari deth 2025 der Ajuntament de Les. Entre es mès destacats, se trape era aprovacion deth plan economic-financèr des anualitats 2025 -2026, e era aprovacion d’ua mocion en favor dera eliminacion des violéncies masclistes en conmemoracion deth 25 de Noveme.

Autant, s’a aprovat era Declaracion de Budapest dera Associacion Europèa de Ciutats Termaus Istoriques (EHTTA), asociacion ara que pertanhem per èster membres dera Associacion de Viles Termaus Catalanes, que vò ratificar eth compromís deth consistòri damb es linhes estrategiques de promocion e difusion des actius ath tor der aigua termau enes nòsti municipis (arquitectura, elements coma hònts, eca).

En aguest sens, cau remercar qu’eth trabalh damb aguestes associacions mos permet entrar en programmes de difusion toristica en projèctes dera Agència Catalana de Turisme.


HÒNT: AJUNTAMENT DE LES