Esquerra Republicana reclame que cau revisar e actualizar de forma urgenta eth Mapa Sanitari entà poder aufrir ua atencion immediata ath conjunt dera poblacion de tota Catalonha. Es republicans destaquen qu'ena vegueria der Alt Pirineu e Aran non i a cap centre d'urgéncies d'atencion primària (CUAP).


Per aguest motiu, eth deputat pirenenc Pepe Vidal demane "Transformar eth CAP de Sòrt e eth Pònt de Suert en CUAP, donques qu'en aguestes dues comarques deth Pirenèu non i a cap espitau e d'aguesta manèra apoiridíem corbir melhor es besonhs sanitaris des nòsti vesins e vesies".

Pendent eth debat de politica generau celebrada hè uns dies en Parlament es grops parlamentaris de PSC, PP, VOX e AC votèren eth contra d'aguesta prepausa entà melhorar era sanitat en Alt Pirineu e Aran. Deuant d'aguesta situacion, Vidal ahig, "lamentam fòrça qu'eth Govèrn non age sostengut ad aguest besonh imperiós de melhorar era sanitat ena vegueria der Alt Pirineu e Aran", e i ahig, "sollicitam ath Govèrn a recuperar e assolidar es èishi sanitaris coma estruments estrategics de coordinacion e equilibri territoriau".

HÒNT: ERC