Er Espitau Val d'Aran ven d’aquerir ua cunhèra termica Panda iRes damb reanimador que permet milhorar era qualitat des suenhs aufrits ara mainadèra acabada de nèisher, e qu'a estat finançada ena sua totalitat pera Deputacion de Lhèida.

Incorpòre un sistèma integrat entà arténher ua assisténcia medicau damb confiança, qu'aplique tecnologia ResusView entà configurar era cunhèra damb capacitats coma: reanimacion complèta, freqüéncia cardiaca a trauès d’un electrocardiograma (ECG) e monitorizacion de SpO₂, tà calcular er oxigèn que i a ena sang.

Fomente es suenhs centradi en neurodesvolopament neonatau, e s’ajuste as besonhs des repopets, deth personau medicau e dera familha. Aguest nau equipament aufrís ua solucion integrada e transportabla entà ua milhor atencion possibla..

Tostemp ei en mòde de lhet dubèrt, sense cubèrta ne hiestretes. Es calaishi en moviment permeten er accès des pairs/mairs en posicion seiguda entà fomentar eth ligam afectiu damb eth mainatjon.

Mès Informacion: https://short.do/IRYou0



HÒNT: CONSELH GENERAU D'ARAN/ARAN SALUT