Vielha e Mijaran a aprovat era exempcion deth pagament der Impòst de Bens Immòbles entar Espitau Val d’Aran e era Residéncia Geriatrica Sant Antòni de Vielha.

Aguesta mesura qu’a compdat damb es vòts a favor deth govèrn municipau d’Unitat d’Aran e Convergéncia Aranesa e era abstencion d’Aran-Amassa s’aplicarà a compdar de 2026 en endeuant.

Eth tipe impositiu der IBI en Vielha e Mijaran ei en bens urbans deth 0,67%, en bens rustics deth 0,69% e des bens de caracteristiques especiaus er 1,3%

Atau madeish, tanben s’a aprovat ua bonificacion deth 100% der Impòst sus Veïculs de Traccion Mecanica (IVTM) as veïculs de mès de 30 ans e as istorics, ua practica fòrça abituau en d’auti municipis a nivèu estatau.