Era Ciberseguretat ei ua tematica que s’a trabalhat ena Val d’Aran a trauès der Armari 6, un congrès que cercaue amassar a professionaus d’aguest camp entà tractar ahèrs vinculadi ad aguesta qüestion.

Des dera supercomputacion, en tot passar pes modèls d’intelligéncia artificiau, enquiara criptografia pòst-quantica e era geopolitica. Enguan er objectiu der eveniment a estat eth de poder èster ath dia de totes es nauetats e darrères tendéncies, pr’amor qu’en airau dera ciberseguretat era evolucion ei constanta e presente naui rèptes.

Eth Ministèri de Transicion Ecologica e Rèpte Demografic i apòste damb claredat per apropar as entorns de nauta montanha es naues tecnologies e es aplicacions que i pòden auer coma era intelligéncia artificiau.

Mès de 120 professionaus s’apropèren entara dusaua edicion deth Congrès Armari 6, en un gran succès que se demore que se pogue repetir er an que ven.