Pendent aguest ostiu s’amiaràn a tèrme es trabalhs de milhora dera urbanizacion deth Carrèr Ilia de Vilac. Aguest projècte consistís en:
- Renauiment deth hilat der aigua potabla e deth hilat des residuaus.
- Renauiment des paviments finaus damb paviment de calada damb ua canau centrau de remassada d’aigües.

Eth projècte compde damb un pressupòst totau de 181.037,98€. Era EMD de Vilac finance es prumèri 100.000€, e er Ajuntament de Vielha e Mijaran es 81.037,98€ restanti, en tot mantier un compromís fèrm d’ajudar as EMD enes sòns projèctes mès importanti e de prètz elevat, damb un esperit collaboratiu damb toti e cadun des pòbles de Vielha e Mijaran.

Es òbres auràn ua durada de 3 mesi, apuprètz.


HÒNT: AJUNTAMENT DE VIELHA E MIJARAN