Era piscina deth Palai de Gèu de Vielha a reprenut era sua activitat dempús d’èster lèu ua setmana arturada pr’amor d’un problèma de cauhament damb es caudères que s’encueden d’aguest sistèma deth complèx plaçat en cap-lòc deth país.

Ua d’aguestes caudères non foncione, e er auta ei era que s’encuede d’aufrir calor entà tot er equipament e, per aqueth motiu, a tardat fòrça dies en poder tornar a plaçar era temperatura adequada ara piscina, qu’actuauments se trape enes 24 grads e miei.

Es solucions a cuèrt tèrme son premanir ua licitacion d’ua naua caudèra en ua prumèra fasa que permeterà connectar-se ath gas ciutat, ua situacion qu’ajudarie a solucionar grana part deth problèma. Totun, ja s’auance tanben en ua dusaua fasa a on se contemple era aerotermia.

Des deth consistòri se priorizen totes es accions vinculades ara seguretat des usatgèrs e dera pròpria installacion abans de hèr quinsevolh actuacion concrèta de milhora der equipament