Un camp de fotbòl ei fòrça mès qu'un espaci entà jogar. Ei eth lòc a on se viuen emocions, s'aprenen valors e se creen rebrembes.

Aguesti dies s'i trabalhe entà meter-le a punt, damb era collocacion de ròtles de potja enes porteries e es punts de penalti, atau coma damb era sémia e era aportacion de gravadís entà recuperar eth terren de jòc.


Mès çò que hè especiau aguesta actuacion ei era gent que i a ath darrèr. Era brigada municipau, Laurencio, eth nòste jardinèr, e membres dera UE Bossòst an trabalhat amassa, dedicant temps, esfòrç e il·lusion entà suenhar d'un espaci que sentim com de toti.

Gràcies de còr per demostrar, un còp mès, que quan un pòble se junh entà suenhar çò que compartís, es resultats van fòrça mès enlà d'un camp de fotbòl.


HÒNT: AJUNTAMENT DE BOSSÒST