Finalize er operatiu de recerca de mès victimes per accident per laueg que se produsic pendent aguest dimenge passades es 16:00 dera tarde en parçan que connècte eth Dossau damb era zòna de Montgarri, dehòra des limits dera estacion d’esquí de Baqueira Beret.

Segontes indiquèc eth Centre de Lauegi deth conselh generau d’Aran, eth perilh de lauegi se plaçaue en mercat 3, en tot demanar precaucion ena eleccion deth terren a on èster en tot practicar es espòrts de nhèu. Aguesta fatal incident, s’emportèc era vida d’un joen de 29 ans resident dera poblacion de Les, que portaue 3 ans en aguest endret e ère fòrça integrat en tot eth hilat associatiu deth pòble, segontes a indicat eth consistòri aranés deth Baish Aran en un comunitat ena tarde deth deluns 19 de gèr.

Eth grop de Pompièrs e Emergéncies siguec alertat as 16:30 entàs 16:30 a trauès dera Sala de COntròl a on s’informaue peth laueg ena zòna deth Barranc de Laveja. 12 efectius deth grop de rescat de montanha, personau de seguretat de pistes de Baqueira-Beret e 7 veïculs de Pompièrs e Emergéncies e Aran Salut se trasladèren enquaith lòc des hèts, mès non se poguec hèr arren entà sauvar-le era vida.

Eth Conselh Generau d’Aran o d’auti ajuntaments coma eth de Naut Aran tanben s’an somat as condolences pera pèrta d’aguest joen resident en territòri.