Eth joen talent aranés pilòt d’automobilisme, Mari Boya, ja premanís era naua temporada 2026/2027, ena que serà eth sòn saut oficiau era Formula 2.

Dempús d’un an a on a destacat clarament ena Formula 3, damb un tresau lòc ena classificacion generau, e dus dusaus lòcs ena corsa de Macao, Mari, de sonque 21 ans demòstre qu’ei premanit entà tot e apunte sense pòur e de forma descarada a qu’er hèt d’èster rookie en aguesta naua categoria, non ei un impediment entà que pogue subergésser entre es sòns rivals.

Eth sòn sòni a estat clar des der inici dera sua trajectòria esportiva: arribar ara Formula 1, coma hèc en sòn moment, Fernando Alonso, persona ara qu’idolatre e que considère eth sòn referent pr’amor deth sòn trabalh des dera base enquia arribar ar eleit.

Boya profite aguesti dies abans der inici des tèsti e des pròplèu competicions entà gaudir en Aran der espòrt, era familha e es amics, en que serà, segurament, un des ans mès determinants de tota era sua vida. Competirà damb era escuderia Prema entà arténher eth sòn objectiu, ua des mès reconeishudes deth panorama mondiau.