Trabalhs de mantenement e neteja ena pista forestau dera montanha de Portet en Les

Ath long des darrères setmanes s’an amiat a tèrme diuèrsi trabalhs de mantenement e mielhora des pistes forestaus dera montanha de Portet, damb er objectiu de mielhorar-ne er estat e facilitar-ne era conservacion.

En concret, s’a intervengut en tram comprenut enter eth paratge de Corraus e era zòna deth Cau de Naut, a on s’an realizat trabalhs de mantenement e reforma. Aguesta actuacion a estat planificada pr’amor dera fòrta pendent deth camin e der arrossegament de materiaus provocat pes pluges e es condicions climatologiques.


Ath delà, s’an realizat trabalhs de neteja des cunhères e des desaigües dera pista, contribusint atau a mielhorar era evacuacion der aigua e eth mantenement d’aguesti camins forestaus.


Aguestes actuacions an estat possibles gràcies a ua subvencion deth Plan de Camins dera Deputacion de Lleida.

D’ençà der Ajuntament de Les vos rebrembam tanben era importància de cuedar e respectar eth nòste entorn naturau, especiauments deuant dera situacion de sequera provocada pera manca de precipitacions pendent aguest ostieu, qu’afècte ath volum d’aigua disponibla en hònts e comades.

Suenhar era montanha ei responsabilitat de toti.

HÒNT: AJUNTAMENT DE LES