S'inicien es òbres de renauïment der hilat en baisha d'abastament d'aigua potabla de Bossòst

Era prumèra actuacion se realizarà en Carrèr deth Gat, a on, pendent es pròplèus dies, eth carrèr demorarà barrat ath transit e non se poderàn estacionar veïculs.


Aguesta òbra consistís ena substitucion des canonades de fibrociment (uralita) e plom, fòrça envielhides e deteriorades, per naui tuèus adaptadi ara normativa actuau, mès segurs, eficients e duradèrs.


Es estudis e es inspeccions realizades an metut de manifèst er estat fòrça degradat d'ua part important der hilat. Per aguest motiu, aguesta actuacion non se pòt demorar mès: ei ua òbra imprescindibla entà protegir era salut publica, garantir era qualitat dera aigua e assegurar un servici fiable entath present e entath futur.


Aguestes actuacions s'anaràn estenent progressivament a d'auti carrèrs deth pòble. Era planificacion des trabalhs s'a hèt entà minimizar, autant coma sigue possible, es afectacions ath dia a dia deth municipi e, especiaument, ara activitat toristica dera sason d'ostiu.


Sabem qu'aguestes òbres ocasionaràn molèsties temporaus, mès vos demanam comprenença e paciéncia. Era incomoditat d'aué ei era garantia d'un hilat d'aigua fòrça mès segur entàs pròplèus ans.

Ei ua inversion imprescindibla en salut publica, en sostenibilitat e en futur de Bossòst.


Gràcies pera vòsta collaboracion.


HÒNT: AJUNTAMENT DE BOSSÒST