Preséncia de Torisme Val d’Aran ena hèira internacionau World Travel Market en Londres

Eth mercat britanic represente un 8,3% des toristes internacionaus que visiten era nòsta destinacion.

Damb 46.000 participants, 4.000 expositors e mès de 184 païsi presenti, aguesta hèira ei un hub globau tàs profesionaus des viatges e eth torisme, damb era idèa de crear naues oportunitats e definir eth futur deth sector.

Torisme Val d’Aran a compartit taulèr damb tecnics deth Patronat de Turisme des Terres de Lleida laguens der espaci dera Agència Catalana de Turisme.

Era promocion s’a centrat enes productes toristics de nhèu, senderisme, bicicleta e patrimòni, e s’an hèt a conéisher es darrères nauetats, coma es naues rotes toristiques des pòbles de Les, Bossòst e Vilamòs e, sustot, era distincion dera Val d’Aran coma Resèrva dera Biosfèra.


HÒNT: CONSELH GENERAU D'ARAN