Naua edicion deth projècte “Connexion Joena” d’ostiu 2026

Presentam eth programa d’activitats “Connexion Joena Ostiu 2026”, ua prepausa adreçada as joeni e joenes dera Val d’Aran d’entre 12 e 30 ans, pensada entà fomentar era participacion, er aprendissatge, era convivéncia e eth léser saludable pendent es mesi d’ostiu.


Eth programa s’estructure damb desparièrs cicles adaptadi as diferentes edats e interèssi:


- Ostiu Actiu:
Adreçat a joeni de 12 a 18 ans, damb activitats de léser, esportiues, culturaus, creatives e de descubèrta der entorn.


- Joenessa +:
Adreçat a joeni de 16 a 30 ans, damb prepauses orientades ath desvolopament personau, era formacion, era participacion, era autonomia e era connexion damb d’auti joeni a trauès d’activitats e talhèrs diuèrsi.


- Fòrum Joenessa:
Espaci de participacion e escota activa destinat a joeni a compdar des 15 ans, a on poderàn compartir inquietuds, aportar idèes e contribuïr ath bastiment de prepauses e iniciatiues entath territòri.

Vos animam a participar-i e a gaudir d’un ostiu plen d’experiéncies, aprendissatges e naues connexions.

Inscripcions: a compdar deth deluns 22 de junh.
- Oficina de Joenessa.
- [email protected]
- 680415451 (WhatsApp).


HÒNT: ARAN SALUT