Naua donacion especifica de plasma en Aran
Des dera associacion de donants de sang dera Val d'Aran insistissen en besonh de poder aufrir aguestes jornades entà poder hèr extraccions que siguen resolutives entara societat
Pendent aguest 2026 seguís era tendéncia d’amiar endauant jornades de donacion de plasma especifiques entà potenciar aguesti aufriments.
Aguesta situacion respon a que, es resèrves de sang son pro corrèctes, encara que tostemp en cau fòrça mès dera que se dòne aué dia, mès, segontes indique eth banc de sang qu’a era sedença plaçada en Barcelona e qu’ei de qui depen era associacion de donants de sang dera Val d’Aran, manque plasma en tot eth panorama nacionau e europèu.
Ei pr’amor d’açò que s’a hèt ua naua jornada especifica entà poder dar plasma. Segontes indique era associacion aranesa, es resultats an estat tanplan boni perqué s’an remassat un totau de 18 plasmes des 24 que se podien hèr coma maximom, gràcies a qu’an pujat un totau de 6 maquines extractores. Tanben s’a hèt ua donacion de leit materna e i a auut dus afriments
Es donacions de sang seguiràn enes pròplèu setmanes e des dera associacion animen a totes es persones que non an dat qu’ac hèsquen pr’amor que non se pòt fabricar e se pòden sauvar vides.
