Les acuelh era Transcatalonha 2026

Aguest dissabte, Les a acuelhut era Transcatalonha 2026. Ua gessuda scientifica damb mès de 40 ans de tradicion dedicada ar estudi des solèrs e qu’amasse professionaus, investigadors, estudiants e tecnics.

En encastre d’aguesta visita, eth grop de 45 especialistes a estat recebut en Les, a on er alcalde les a dat era benvenguda e les a acompanhat pendent er acte celebrat ena sala d’actes der Ajuntament.

Pendent es dies 19 e 20 de seteme, es participants estudiaràn diferents perfils de sòu en fisparièrs punts d’Aran, a on se trape eth municipi de Les , en tot analisar-ne es proprietats, er estat e era classificacion, atau coma era sua relacion damb eth paisatge e er entorn.

Aguesta activitat a estat organizada pera Societat Espanhòla dera Sciéncia deth Sòl, amassa damb era Seccion de Sòus dera Institucion Catalana d’Estudis Agraris (ICEA), e arribe enguan ena Val d’Aran en tot coincidir damb eth 50au aniversari dera ICEA.


HÒNT: AJUNTAMENT DE LES