Les a encetat eth cicle des Hèires dera Tardor ena Val d’Aran

Aué auem celebrat ua naua edicion dera hèira ramadèra de Les.


En recinte, que s’a daurit a prumèra ora deth maitin, er Ajuntament de Les a aufrit un esdejoar popular premanit pera Associacion dera Petanca de Les e vesins deth pòble.

Es mèns petiti an podut gaudir d’ua plan bona estona ena zòna ludica damb castèths holables.

Volem arregraïr era collaboracion de toti es voluntaris qu’an hèt possible eth desvolopament d’aguestes activitats e des ramadèrs ena organizacion deth recinte d’exposicion animau.

Ua jornada ena qué s’a metut en valor eth sector ramadèr deth país.

HÒNT: AJUNTAMENT DE LES