Finau Nacionau d’Esquí Aupin des Jòcs Esportius Escolars de Catalonha

Eth passat 1 de març, era pista Stadium de Baqueira Beret, en Beret, siguec er scenari dera Finau Nacionau d’Esquí Aupin des Jòcs Esportius Escolars de Catalonha, ua jornada qu’amassèc a joeni esportistes de tot eth país en un ambient de competicion, conviuença e passion pera nhèu.

Eth Conselh Generau d'Aran collabòre damb eth Conselh Esportiu dera Val d’Aran entà garantir qu’era practica esportiva sigue possibla a nivèu popular e arribe en totes es cases e familhes deth territòri, en tot reafirmar eth compromís damb er espòrt e damb era joenessa.

Organizen competicions, jornades e activitats que combinen formacion, valors e convivéncia, e son ua pèça clau en desvolopament esportiu deth territòri.

Aguesti son es resultats destacables des esportistes deth Programa d’Esquí Aupin dinamizat peth Conselh Esportiu dera Val d’Aran:

- Axel Rella – 1èr classificat, Categoria Infantila masculina (57.10)
- Marc Puig Feixa – 1èr classificat, Categoria Senior masculina (48.68)
- Vera Manero – 1èra classificada, Categoria Infantila femenina (1:10.98)
- Yvette Cernadas – 2au classificada, Categoria Infantila femenina (1:11.54)
- Iria Bernal – 3au classificada, Categoria Alevin femenina (1:13.73)
- Biel Gregorio – 3au classificat, Categoria Alevin masculina (1:09.79)
- Lia Yáñez – 3au classificada, Categoria Cadet femenina (1:07.34)


Mès Informacion: https://short.do/nMrd8i


HÒNT: CONSELH GENERAU D'ARAN