Finalize eth projècte BòscAran en territòri
Aguest projècte s'a explicat en diuèrses escòles dera Val d'Aran
A finalizat eth projècte BòscAran, qu’impulse era gestion forestau sostenibla e era transicion energetica verda ena Val d’Aran.
Dempús de lèu dus ans de trabalh, aguest projècte concludís en tot arténher conclusions coma que s’a artenhut pilòts de profitament forestau damb cable aerian en zònes de dificil accès, s’a format de forma tecnica a gestors, enterpreses e municipis e, s’an artenhut diuèrses certificacions entà garantir era sostenibilitat e era traçabilitat coma eth PEFC e eth CATFOREST.
Bòsc Aran a estat explicat pendent eth dia d’aué enes diuèrses escòles dera Val d’Aran entà hèr a conéisher coma se pòt trabalhar de forma ecologica damb es montanhes deh territòri.
Aguest projècte a estat finançat pera Fondacion Biodiversitat deth Ministèri de Transicion Ecologica der Estat Espanhòl en marc des hons Next Generation dera Union Europèa.
