Eth Servici d’Urgéncies der Espitau Val d’Aran ei plaçat entre es milhors de Catalonha, segontes es donades der informe PLAENSA realizat peth Servei Català de la Salut
16/09/2026
SOCIETAT
Vielha
Es pacients enquestadi an incrementat era avaloracion generau dera atencion medicau recebuda entre 2023 e 2026 de 5,63 a 8,29 punts.
En informe de 2026, es Urgéncies dera Val d’Aran lidèren 5 des 24 aspèctes valoradi en conjunt de Catalonha.
En aguesti darrèri ans (de 2023 a 2026) s’a milhorat fòrça en ahèrs coma: era informacion sus es pròves, era informacion comprensibla, es permisi entà informar as acompanhants, eth tracte personau d’infirmieria e era sensacion d’èster en bones mans.
“Aguesti resultats non son frut der edard. Son eth reflèxe deth compromís jornalièr d’ues equipes que trabalhen damb professionalitat, proximitat e vocacion de servici. En un espitau coma eth nòste, era qualitat assistenciau non depen sonque dera tecnologia o des recorsi disponibles; depen sustot des persones e dera manèra coma suenham, informam e acompanham as que confien en nosati”, soslinhe era directora deth Servici Aranés de Benèster e Salut (SABS), Maria Àngels Borràs. E ahig que “naturaument, encara auem aspèctes a milhorar. Es enquèstes mos ajuden justaments a identificar-les e a contunhar en tot auançar. Mès tanben credem qu’ei important arreconéisher eth trabalh hèt e méter ena valor aquerò que mos diden es madeishi pacients. Pr’amor qu’era milhora manèra de saber se hèm ben es causes ei escotar es persones a qui atiem. E aué, mercés ara sua confidança, sabem qu’era Espitau Vau d’Aran ei un servici d’urgéncies que non solaments resòlv problèmes de salut, mès que tanben genère confidança, tranquillitat e proximitat quan mès s’an de besonh”.
HÒNT: ARAN SALUT
En informe de 2026, es Urgéncies dera Val d’Aran lidèren 5 des 24 aspèctes valoradi en conjunt de Catalonha.
En aguesti darrèri ans (de 2023 a 2026) s’a milhorat fòrça en ahèrs coma: era informacion sus es pròves, era informacion comprensibla, es permisi entà informar as acompanhants, eth tracte personau d’infirmieria e era sensacion d’èster en bones mans.
“Aguesti resultats non son frut der edard. Son eth reflèxe deth compromís jornalièr d’ues equipes que trabalhen damb professionalitat, proximitat e vocacion de servici. En un espitau coma eth nòste, era qualitat assistenciau non depen sonque dera tecnologia o des recorsi disponibles; depen sustot des persones e dera manèra coma suenham, informam e acompanham as que confien en nosati”, soslinhe era directora deth Servici Aranés de Benèster e Salut (SABS), Maria Àngels Borràs. E ahig que “naturaument, encara auem aspèctes a milhorar. Es enquèstes mos ajuden justaments a identificar-les e a contunhar en tot auançar. Mès tanben credem qu’ei important arreconéisher eth trabalh hèt e méter ena valor aquerò que mos diden es madeishi pacients. Pr’amor qu’era milhora manèra de saber se hèm ben es causes ei escotar es persones a qui atiem. E aué, mercés ara sua confidança, sabem qu’era Espitau Vau d’Aran ei un servici d’urgéncies que non solaments resòlv problèmes de salut, mès que tanben genère confidança, tranquillitat e proximitat quan mès s’an de besonh”.
HÒNT: ARAN SALUT
Manu Moga e Ricard Gómez