Eth Servici de Reabilitacion acuelhec eth cors entà fisioterapeutes “Actualizacion sus eth manejament dera dolor cervicau, diagnostic diferenciau e tractament”

Es dies 5 e 6 de junh, eth Servici de Reabilitacion acuelhec eth cors entà fisioterapeutes “Actualizacion sus eth manejament dera dolor cervicau, diagnostic diferenciau e tractament” de 15 ores de durada, a cargue deth Col·legi de Fisioterapeutes de Catalunya.


Era Seccion Territoriau deth Naut Pirenèu e Aran deth CFC ja hè ans que prepause corsi en nòste territòri e er Espitau acuelh aguestes formacions quan se prepausen ena Val d’Aran. Carles Matas, Coordinador deth Servici de RHB der Espitau ne hè part d’aguesta Seccion e velhe entà portar formacion especializada que beneficie as nòsti professionaus.


Aguesti corsi non sonque son pensadi entàs fisioterapeutes locaus senon que son dauridi a toti es fisioterapeutes collegiadi de Catalonha. En aguesta escadença an vengut fisioterapeutes dera Val d’Aran, mès tanben deth Palhars, La Seu d’Urgelh, Vilanova e de Barcelona.


Damb aguesta formacion es fisioterapeutes seràn capables de diferenciar entre es diferentes afectacions dera colomna cervicau. Quan les arribe un pacient diagnosticat de cervicàlgia (çò de mès comun) poderàn diferenciar entre un problèma facetari, de disc, dolor radiculara, inestabilitat cervicau o radiculopatia per estenosis de canau o per èrnia discau e donques poderàn afinar milhor en tractament.


HÒNT: ARAN SALUT