Eth projècte Mar e Montanha arribe entà Aran damb un gran succès artenhut en Cambrils
02/12/2025
Setmanes endarrèr, restauradors de Cambrils apropèren plats de codina de montanha enes sues cartes as clients e ara ei eth torn d'Aran de prepausar codina vinculada ath pèish
SOCIETATTURISME
Vielha
Eth restaurant Era Coquèla de Vielha a acuelhut era presentacion deth projècte gastronomic qu’amasse a Aran e Cambrils, ara montanha e ath mar, entà poder escambiar codines e promòir andús territòris.
Es codinèrs e restauradors de Cambrils pendent aguestes setmanes an elaborat quauque plat tipic dera Val d’Aran, mentre qu’es aranesi, pendent aguestes pròplèu dues setmanes, includiràn un plat conjunt e un aute de mar ena sua carta.
Rebrembam que a nivèu aranés, i participen, era pròpria Coquèla, Es Arraïtzes, Casa Rufus, Turnay, Eth Portalet e Casa Irene.
Es diuèrsi restauradors s’an felicitat per aguest projècte promoigut peth Departament de Torisme deth Conselh Generau d’Aran en tot demanar que se pogue repetir er an que ven.
Àlvar Ordoñez