Eth Conselh Generau d’Aran e eth Centre Tecnologic Forestau de Catalonha (CTFC) an presentat ar alumnat de 5au e 6au de primària des escòles araneses eth projècte pilòt Bòscaran

Aguest projècte a coma objectiu era recuperacion dera gestion forestau sostenibla des montanhes d’Aran i era transicion ecologica verda damb era utilizacion de recorsi forestaus locaus entà amendrir era dependéncia des recorsi energetics fossils.

Era jornada començaue ena sala d’actes der Ajuntament de Les, a on s’amassauen es estudiants dera Escòla Sant Ròc de Bossòst i der Estudi Alejandro Casona de Les.

Dempús, es tecnics se desplaçauen enquiara Escòla Garona de Vielha. Pera tarde, era charrada educativa se hec ena Escòla Ruda ZER de Salardú i ena Escòla Loseron ZER d’Arties.

Er alumnat e eth professorat an estat acompanhadi per conselhèrs deth Conselh Generau d’Aran ath long des charrades, de 45 minutes, a on es joeni e joenes an interactuat damb es tecnics, qu’an dat responsa as sues demanes.


HÒNT: CONSELH GENERAU D'ARAN