Eth Conselh Generau d’Aran, a trauès dera sua brigada de servicis, a barrat fisicament es pistes dera Artiga de Lin ena palanca deth Planhòt e era de Varradòs ena Hònt deth Sofre

Ath delà, s’a barrat era entrada dera pista de Sant Joan d’Arròs e Vila per risc de lauegi, en motiu dera nheuada abondiua e intensa que, segontes a informat eth Centre de Lauegi dera Val d’Aran, se demore enquia dimenge maitin.

Cau rebrembar que aguestes pistes, tot e èster transitables, non son dubèrtes a transit rodat pendent es mesi d’iuèrn, per prevencion de possibles lauegi o esbotassades.


HÒNT: CONSELH GENERAU D'ARAN