Eth Conselh Generau convide ara ciutadania a enregistrar àudios tà qu’era IA parle aranés

Eth govèrn aranés, a trauès des Departaments de Lengua e d’Innovacion, collabòre entara creacion d’un sistèma de reconeishement de votz d’intelligéncia artificiau en aranés laguens deth projècte LINGUATEC-AI.

Entà arténher un prumèr modèl adaptat, era causa mès importanta ei auer fòrça veus diferentes, mès cap de locutor/a pòt superar eth 2-3 % deth totau de gravacions.

Entà poder auer diuersitat de veus cau que i age locutors/es de totes es edats (<18, 18–29, 30–39, 40–49, 50–59, 60–69, ≥70), de toti es terçons dera Val d’Aran e tanti parlants qu’agen er aranés coma lengua mairau coma de dusau lengua.

Tanben ei important qu’eth tipe de tèxtes que s’enregistren agen estils e registres variadi, ei a díder, que i age àudios de tèxtes literaris, legaus, periodistics, institucionaus, convèrses informaus, etc. Aguesta seleccion l’a hèta eth Departament de Lengua e se facilitarà un tèxte a cada locutor/a.

Entà assegurar un madeish format, se meterà a disposicion un estudi professionau d’enregistrament.

Entà aportar era tua votz entath desvolopament deth sistèma de reconeishement d’intelligéncia artificiau en aranés, sonque cau completar aguest formulari: https://forms.cloud.microsoft/e/xtcR2nkeUL que serà disponible enquiath deluns dia 20 d’octobre, tàs 23:45 ores.

En aguest sens, eth Govèrn d’Aran s’a involucrat activament en projècte, amassa damb Lo Congrès permanent dera Lengua occitana, entà auançar ena digitalizacion e preséncia dera nòsta lengua pròpria enes mieis digitaus.

Mès Informacion: @conselharan


HÒNT: CONSELH GENERAU D'ARAN