Espectacular inici de sason de Baqueira Beret
Damb uns cèlhs de nhèu de 30 a 70 centimètres e mès de 65 quilomètres de pistes esquiables, se confirme un des milhors inicis de sason istorics deth complèx aranés
Gran inici de sason entara estacion d’esquí de Baqueira Beret. Es nheuades queigudes es darrères setmanes permetèren ath complèx daurir un totau de 65 quilomètres esquiables damb uns cèlhs de nhèu qu’oscillauen entre es 30 centimètres enes còtes mès baishes, enquias 70 centimètres en punt mès naut dera estacion. Damb 41 pistes dubèrtes e 25 remontadèrs en foncionament es chifres de dubertura son espectaculares.
Tot un succès qu’a permetut estrear damb totes es garanties e ua nhèu povàs de prumèr nivèu. Es diuèrsi esquiadors que s’an apropat entà gaudir d’aguestes jornades iniciaus des espòrts d’iuèrn an mostrat era sua plea satisfaccion respècte auguest hèt.
Es bones perspectives an hèt a Baqueira Beret anonciar que, de cara ath pònt dera Purissima, se sajarà de daurir eth maximom de quilomètres esquiables possible. Aquerò permeterie auer es sectors de Baqueira, Beret, Bonaigua e Bacivèr dubèrti, en ua situacion que non s’a viscut enes darrèri ans.
