Era Val d’Aran recep esquiadors deth Florida Ski Council

Entre eth dimenge 8 e eth diuendres 13 de març, era Val d’Aran a recebut 166 esquiadors provenenti de 9 clubs d’esquí des Estats Units, membres deth Florida Ski Council (https://floridaskicouncil.com/).

Eth grop a vengut tath nòste país entà conéisher en plen iuèrn era estacion d’esquí de Baqueira Beret e descorbir era Val d’Aran, es sòns paisatges e era sua aufèrta d’esquí enes Pirenèus.


Aguesta iniciativa forme part d’ua accion coordinada entre eth Conselh Generau d’Aran e era estacion de Baqueira Beret, laguens des accions de promocion deth territòri entà hèr a conéisher es installacions dera estacion e era cultura, eth patrimòni e era lengua pròpria d’Aran.


Ua oportunitat entà apropar era realitat deth país as visitants internacionaus e entà posicionar era Val d’Aran coma destinacion d’esquí e torisme d’iuèrn.


HÒNT: VAL D'ARAN