Era Val d’Aran impulse naues accions entà melhorar era coexisténcia damb er os ròi

Era populacion d’ossi en Pirenèu seguís en creishement e ja s’estime en 130 exemplars. Damb eth projècte europèu LoupO Coexistence (2026–2028), eth Conselh Generau d’Aran trabalhe en mesures innovadores de seguiment, prevencion e convivéncia.


Ath delà, era ajuda deth MITECO permeterà desplegar accions pròpries ena Val d’Aran entà reforçar eth seguiment der os ròi, melhorar era proteccion dera ramaderia e apicultura, digitalizar es ramats extensius e impulsar projèctes pilòt de mesures aversives.

Entre es naues accions i destaque:

• Sistèmes de seguiment damb fòtocamères, GPS e intelligéncia artificiau
• Formacion e supòrt entàs cans de proteccion de ramats.
• Minjadores domotiques entàs GPR en nauta montanha.
• Estudis e accions entà melhorar era coexisténcia damb era fauna sauvatja.
• Collaboracion damb eth sector ramadèr e cinegetic.

Er objectiu: protegir era biodiversitat e acompanhar eth mon rurau damb mesures eficaces e adaptades ath territòri.

Mès Informacion: https://shorturl.at/ve3VI


HÒNT: CONSELH GENERAU D'ARAN