Era Val d’Aran aumplís octobre d’activitats entà promòir era salut mentau e eth benèster emocionau

Eth Plan d’Accion Comunitària des Servicis Assistenciaus Integrats d’Aran, impulse un programa transversau qu’amasse entitats, servicis, professionaus e volontariat e qu’aufrís prepauses entà totes es edats.


Era programacion compde damb era participacion d’entitats coma Amentaran, era Associacion Contra eth Càncer e Ágora, atau coma de persones volontàries, e damb era implicacion de servicis sanitaris especializadi coma GSS. Eth conjunt configure ua programacion que vò méter en valor qu’eth benèster emocionau se bastís tanben des dera comunitat, a trauès des ligams, es relacions, era participacion e es espacis de supòrt mutuau.


Mès enlà des activitats puntuaus deth mes d’octobre, eth programa vò hèr visible eth hilat d’espacis estables qu’era Val d¡Aran dejà dispòse entà favorir eth benestar des persones: espacis de supòrt a familhes, grops comunitaris, activitats de movement e salut, recorsi entà joeni e mainatges, espacis entà persones granes, servicis d’acompanhament e supòrt entre parièrs.


HÒNT: ARAN SALUT