Era Val d’Aran acuelh eth Prumèr Congrès Internacionau sus Comunicacion, Tecnologia e Lengües Minoritàries entà impulsar era creacion de contenguts en lengües com er aranés damb eth supòrt dera IA

Er eveniment, qu’aurà lòc es dies 27 e 28 de noveme de 2025, a ua perspectiva academica e de divulgacion.

Eth Conselh Generau d’Aran, era Universitat Pompeu Fabra e RTVE organizen aguest congrès damb era collaboracion dera Universitat de Lleida e eth supòrt dera Generalitat de Catalunya e era Secretaria Generau deth Rèpte Demografic, entre d’auti.

Jos eth lèma “Era IA e es naues tecnologies coma aliades der aranés e des lengües minoritàries ena creacion de contenguts periodistics e audiovisuaus”, aguest eveniment pionèr examinarà eth potenciau dera intelligéncia artificiau e d’autes innovacions tecnologiques entath foment e era vitalitat der aranés e des autes lengües minoritàries der Estat espanhòu e d’autes realitats lingüistiques europèes.


Informacion de contacte: https://eventum.upf.edu/138015/tickets/i-congres-internacional-sobre-comunicacio-tecnologia-i-llengues-minoritaries-la-ia-i-les-noves-tecn.html

Mès informacion:https://short.do/Mwfdrz


HÒNT: CONSELH GENERAU D'ARAN