Era Escòla d’Ostalaria de Les-Val d’Aran a presentat eth nau cicle formatiu d'Atencion a Persones en Situacion de Dependéncia (APD)

Era Escòla d'Ostalaria de Les - Val d'Aran a acuelhut aué era presentacion deth nau cicle formatiu d'Atencion a Persones en Situacion de Dependéncia (APD), ua naua aufèrta educativa qu'amplie eth compromís deth Centre damb era formacion de professionaus ath servici des persones e deth territòri.


Er acte a compdat damb era preséncia de Gemma Verdés, directora generau de Long Life Training; Carlota Valls, directora de Servicis Territoriaus deth Naut Pirenèu e Aran; Angela Cases, conselhèra de Coneishement deth Conselh Generau de Aran; Miquel Bringueret, coordinador territoriau de Formacion Professionau deth Naut Pirenèu e Aran e, Andreu Cortés, baile de Les, entre d'auti representants institucionaus.


Pendent eth dia se destaquèc era connexion entre es sectors dera Ostalaria, eth torisme e era atencion as persones. Coma se soslinhèc pendent es intervencions, totes aguestes professions compartissen valors essenciaus coma er acuèlh, er entorn, era empatia, eth suenh des persones e ua vocacion de servici, tostemp en tot méter as persones en centre.


Damb aguest nau cicle, era Escòla d'Ostalaria de Les - Val d'Aran contunhe en tot balhar supòrt a ua formacion professionau restacada as besonhs reaus deth territòri, en tot ampliar es oportunitats de formacion entàs joens e en tot contribuïr ath desvolopament sociau e professionau deth Val d' Aran.


Entrenam gent, entrenam professionaus.


HÒNT: ESCÒLA D'OSTALARIA LES-VAL D'ARAN