Era entitat Aran Pera Natura s’installe ena aubèrja Matacabòs de Les
Enceran un nau futur entara Aubèrja Matacabós!
Dempús deth procés participatiu amiat a tèrme era passada primauèra, aué auem signat eth convèni de collaboracion damb era entitat Aran pera Natura, que fixarà era sua naua sedença ena Aubèrja Matacabós.
Aguest acòrd permet iniciar ua naua etapa entà convertir aguest equipament en un espaci viu, dedicat ara difusion deth nòste patrimòni naturau, ara educacion ambientau e ara promocion d'activitats dubèrtes ara ciutadania.
Aguest ei tanben eth prumèr pas tara dinamizacion d'aguest nau centre, en tot demorar era resollucion des subvencions que permeteràn equipar es installacions, crear un espaci de coworking e impulsar naui projèctes, activitats e oportunitats entath nòste municipi.
Dempús de fòrça ans damb aguestes installacions barrades ath public, començam a escríuer ua naua plana dera sua istòria.
Volem qu'aguest espaci sigue un lòc de trobada, de coneishement, d'innovacion e de collaboracion, capable de generar oportunitats entàs vesins e vesies de Les e entath conjunt dera Val d'Aran.
Der Ajuntament de Les estant, desiram fòrça sòrt e fòrça encèrts a Aran pera Natura en aguest emocionant projècte.
Contunham trabalhant entà dar vida as nòsti equipaments e crear oportunitats de futur entath nòste pòble.
HÒNT: AJUNTAMENT DE LES
