Era Brigada de Servicis deth Conselh Generau d’Aran a realizat diuèrsi trabalhs de manteniment e milhora des camins damb er objectiu de garantir era seguretat e era bona accessibilitat

En concrèt s’an espodalhat es branques que dificultauen eth pas peth camin de Sadau, en tèrme municipau de Les, e s’a trèt eth tap dera bassa d’aigua que s’auie format en camin entre Bossòst e Les.

Tanben s’a realizat era reparacion des baranes deth pònt de Varradòs, que se trobauen virades, e talhat un arbe en tèrra trauessat en camin de Tresares, en tèrme de Vila. En aguest parçan s’a repassat tot eth circuit des comades entà assegurar que non i age cap auta incidéncia.

Aguestes accions van destinades a mantier en bon estat deth hilat de camins e a garantir-ne eth passatge segur entà toti es usatgèrs.


HÒNT: CONSELH GENERAU D'ARAN