Era Brigada de Naut Aran trabalhe deuant es desperfèctes ocasionadi pes ventades

Era Brigada der Ajuntament de Naut Aran trabalhe intensament en fòrça punts de tot eth municipi entà apraiar toti es desperfèctes produsidi per aguest auragan (huracán) a on es ventades an arribat as 160km/h en parçans dera estacion d’esquí de Baqueira Beret e ath torn des 80 ena rèsta de punts de Naut Aran.


Des deth consistòri volem arregraïr ara nòsta equipa d’operaris tot eth trabalh qu’amien a tèrme entà tornar a auer es nòsti entorns dera milhor forma possible coma, per exemple, dauriment de carretères per queiguda d’arbes, queiguda de tets, pannèus, o d’auti desperfèctes en toti es pòbles.


Demanam comprension a toti es vesins e vesies perqué i a moltes afectacions pertot e actuaram damb celeritat tà retornar era normalitat.

Des dera equipa de govèrn, damb eth sòn baile, César Ruiz-Canela, ath capdauant, se transmet tot er anim e coratge as persones qu’an patit damatges particulars.


HÒNT: AJUNTAMENT DE NAUT ARAN